Punëdhënësit duan që “Ndërtimi” të konsiderohet si veprimtari sezonale ekonomike dhe të ketë akses të lehtësuar të ndërtuesve nga vendet e treta në tregun e punës për 90 ditë. Ata duan gjithashtu qasje të lehtësuar sa i përket emërimit të të huajve jashtë BE-së si shoferë ndërkombëtarë. Firmat ngulin këmbë që qeveria të rritë kuotat për punonjësit sezonalë në shoqëritë bullgare, të cilat tani janë 20 për qind për ndërmarrjet e mëdha dhe 35 për qind për ndërmarrjet e vogla dhe të mesme. Nga Dhoma Ekonomike Bullgare vënë në dukje se në BE nuk ka kufizime të ngjashme. 62 për qind e menaxherëve hasen me vështirësie në gjetjen e personelit teknik, operatorëve të makinave, inxhinierëve, specialistëve në lëmin e teknologjive të informacionit, kontabilistëve, menaxherëve të shitjeve, shoferëve, punonjësve në sferën e turizmit, personelit pa kualifikim dhe shitësve, vënë në dukje punëdhënësit.