Aktualisht furnizimi i ujit është çrregulluar në 17 qarqe të vendit, në 40 bashki, në 12 qytete dhe 160 fshatra. Numri i përgjithshëm i popullsisë së prekur nga regjimi i ujit është 315 000 veta, njoftoi zëvendës-ministri i zhvillimit rajonal Nikollaj Nankov në parlament. Mes qyteteve më të mëdha, të prekura nga regjimi janë Lloveç, Teteven, Pleven , Pernik, Dobriç, Kotell dhe Omurtag. Zëvendës ministri vuri në dukje se shteti  duhet të orientohet drejt përdorimit sa më efektiv të fondeve evropiane dhe të mjeteve publike për rehabilitimin e rrjetit të ujit të pijshëm, i cili  në pjesën më të madhe të rasteve është ndërtuar para 50-60 vjetëve. Pa ndërtimin e digave të reja dhe rehabilitimin e digave ekzistuese, Bullgaria në një plan afatgjatë është rrezikuar nga një krize serioze, lidhur me  sigurimin normal të ujit të pijshëm për një pjesë të madhe të popullsisë, shtoi ministri Nankov.