Zëvendës kryeministri i sigurisë dhe lider i VMRO-së Krasimir Karakaçanov informoi prokurorinë për dy organizata joqeveritare për të cilat ka dyshim se zhvillojnë veprimtari për formimin e pakicës maqedonase në Bullgari. Dy organizatat e regjistruara para pak kohe janë “Shoqata civile për mbrojtjen e të drejtave kryesore individuale njerëzore” dhe “Maqedonas antikë”. Në sinjalin e tij Karakaçanov thekson, se në statusin e të dy shoqatave përmbahen thënie për ekzistencën e pakicës maqedonase në Bullgari, të drejtat e së cilës janë të shkelura dhe duhet të mbrohen nga organizatat joqeveritare. Kjo, thekson Karakaçanovi, është në kundërshtim me vendimin e Gjyqit Kushtetues nga 29 shkurti i vitit 2000, në të cilin vendoset, se “në Republikën e Bullgarisë nuk ka etnos maqedonas”.