Dy sindikatat kryesore në Bullgari – Konfederata e Sindikatave të Pavarura në Bullgari dhe Konfederata e Punës “Podkrepa” po përgatitin protestë kombëtare në fund të nëntorit, në se këto ditë qeveritarët nuk tërheqin propozimin e tyre për mospagimin e ditës së parë të pushimit me raport mjekësor. Këtë e shpalli presidenti i Konfederatës së Sindikatave të Pavarura në Bullgari Pllamen Dimitrov.

Janë planifikuar takime të komiteteve të të dyja sindikatave që janë ngarkuar me organizimin e grevës.

“U bëjmë thirrje të gjithë të punësuarve në Bullgari që të mobilizohen dhe të jenë gati për pjesëmarrje në këtë aktivitet kombëtar. Me negociata, me argumente, në tryezën e negociatave, apo në rrugë – nuk do të lejojmë shkeljen e interesave të punëtorëve” – tha Dimitrovi.

Propozimi i koalicionit në pushtet vjen se një masë kundër përdorimit të raporteve të rreme mjekësore. Zv.Kryetarja e Kuvendit Popullor d-r Nigjar Xhafer nga Lëvizja për të Drejtat dhe Liritë deklaroi se kjo është një përpjekje nga ana e qeveritarëve për rritje të fshehtë të kontributit të sigurimit shëndetësor.