Kryeministri Bojko Borisov u takua në Këshillin e Ministrave me një delegacion të Komisionit të Venecias. Në kuadrin e bisedimit Kryeministri Borisov vuri në dukje konstatimet në raportin e fundit në kuadrin e Mekanizmit për bashkëpunim dhe vlerësim për Bullgarinë dhe shënoi se shteti ynë i ka zbatuar të gjitha rekomandimet e Komisionit Evropian, të cilat ajo i ka shpallur si kushte për anulimin e monitorimit. Sipas Kryeministrit progresi i arritur nga Bullgaria në këtë sferë ka të bëjë me angazhimet e saj si anëtare e BE-së. Kryeministri Borisov ishte kategorik se garantimi i superioritetit të ligjit do të jetë prioritet i vendit tonë edhe në të ardhmen.