Lundrimi nëpër Danub në pjesën bullgare të lumit është vështirësuar fortë për shkak të nivelit të ulët, njoftuan nga Drejtoria “Mbikëqyrja Lumore-Ruse”. Më kritike është gjendja tek ishulli Belene. Aty lëvizja e anijeve është kufizuar, sepse anijet kanë nevojë për thellësi të paktën 1,8 metra. Tek Belene ku thellësia e lumit është 2 metra janë grumbulluar rreth 80 anije. Autoritetet apelojnë që të respektohen kufizimet e caktuara, sepse shkeljet kanë çuar deri në ngecjen e përkohshme të anijeve lundruese dhe bllokimin e rrugës për lundrim. Prognoza për 2 ditët e ardhshme është për ulje të nivelit me akoma 9 centimetra.