Ambiciet e Bashkimit Evropian që të jetë lider global duhet të mbështeten me një financim adekuat dhe të drejtë të politikës së kohezionit dhe të politikës së përbashkët bujqësore. Këtë e tha në Pragë Kryeministri Bojko Borisov përpara liderëve  të 17 shteteve  në Bashkimin Evropian nga grupi “Miq të kohezionit”. Borisovi apeloi që përpara fazës së fundit nga bisedimet për kornizën shumëvjeçare financiare të Bashkësisë 2021-2027, të dërgohet një mesazh i fortë për rëndësinë e politikës së kohezionit. Kryeministri bullgar qe kategorik se kohezioni dhe politika e përbashkët bujqësore kanë një vlerë të shtuar të dëshmuar, kurse rezultatet e tyre janë të dukshme dhe të kuptueshme për qytetarët evropianë. Ai kërkoi dhe një vëmendje të posaçme për zhvillimin e regjioneve më të varfra evropiane.