Presidenti francez Emmanuel Macron ka zhvilluar bisedë telefonike me Kryeministrin e Bullgarisë Bojiko Borisov dhe para tij ka deklaruar se kurrë nuk i ka kritikuar shtetasit, punëtorët apo institucionet bullgare. Sipas informacioneve të publikuara në disa media franceze, në intervistë për një revistë të së djathtës së skajshme Macroni ka thënë se i parapëlqen imigrantët legalë nga Guinea dhe Bregu i Fildishtë sesa ato që vijnë nëpërmjet kanaleve ilegale bullgare dhe ukrainase.

Në lidhje me këto publikime Ministrja e Punëve të Jashtme Ekaterina Zaharieva e ka ngarkuar ambasadorin bullgar në Paris me dorëzimin e notës së protestës Ministrisë së Jashtme të Francës.