Presidenti bullgar Rumen Radev deklaroi se liria e lëvizjes në territorin e BE-së është e drejta e shtetasve bullgarë. Kështu ai komentoi fjalët e homologut të tij francez Emmanuel Macron, se preferon që njerëzit nga Guinea dhe Bregu i Fildishtë të vijnë në Francë në mënyrë legale, sesa bullgarët apo ukrainasit, duke përdorur kanalet e tyre ilegale.

Sipas Radevit në politikën evropiane është e papërshtatshme dhe e papranueshme që kombësive t’u jepen etiketa. “Marrëdhëniet ndërmjet Bullgarisë dhe Francës i kanë themelet e tyre shumëvjeçare të miqësisë dhe bashkëpunimit dhe po të ketë ndonjë problem mes nesh, nuk është kjo mënyra e zgjidhjes së tij”, mendon kreu i shtetit.

Ministria Bullgare e Punëve të Jashtme tashmë e ka thirrur për sqarime rreth fjalëve të Macronit ambasadorin francez në Sofje dhe pritet se të hënën do të ketë më shumë informacion.