Këshilli për Mediat Elektronike votoi njëzëri me 5 vota “pro” ndërprerjes së parakohshme të mandatit të Drejtorit të Përgjithshëm të Radios Kombëtare Bullgare (BNR) Svetosllav Kostov. Postin e Drejtorit të Përgjithshëm të BNR-së e merr përkohshëm Drejtori i Fondit të Arkivave të BNR-së Anton Mitov. Shkasi për këtë vendim u bë ndërprerja e transmetimit të programit qendror të BNR-së “Horizont” për 5 orë më 13 shtator të këtij viti. BNR-ja e ka statusin e një objekti strategjik, i cili në raste krizash ka misionin t’i informojë qytetarët dhe sipas licencës së vet media është e detyruar të transmetojë program në vazhdim të 24 orëve.

Në konferencën e posaçme për shtyp Svetosllav Kostov deklaroi se nuk i pranon motivet e Këshillit për Mediat Elektronike dhe do ta apelojë vendimin e organit në Gjykatë.

Sipas Kostovit organi i rregullimit të mediave ka vepruar pa respektuar ligjet dhe qëllimi i tij është destabilizimi i Radios Kombëtare Bullgare.