Burime të Agjencisë Shtetërore për Refugjatët njoftojnë se deri në këtë moment në qendrat e refugjatëve në Bullgari janë vendosur vetëm 454 veta, që është vetëm 9 për qind e kapacitetit të tyre. Gjatë vitit 2019 po vazhdon tendenca e vitit të kaluar e pakësimit të numrit të huajve që parashtrojnë kërkesa për mbrojtje ndërkombëtare. Të dhënat e agjencisë u njoftuan në sfondin e shqetësimeve se për shkak të veprimeve ushtarake të Turqisë kundër kurdëve në Siri mund të ketë një fluks të ri migracioni drejt BE-së përmes Bullgarisë. Presidenti Rumen Radev paralajmëroi se në rast fluksi të tillë të menjëhershëm vendi nuk do të mund ta përballojë vetë problemin.