Një delegacion bullgar në krye me Ministren e punëve të jashtme Ekaterina Zaharieva mori pjesë aktive në debatin në kuadrin e mbledhjes së Këshillit të “Punëve të Jashtme” të BE-së, e cila u zhvillua në Luksemburg.

Diplomatët e parë të shteteve të BE-së diskutuan situatën në Siri bashkë me përfaqësuesin e posaçëm të Sekretarit të Përgjithshëm të OKB-së Geir Pedersen.

Ishte pohuar se zgjidhja e vetme e mundshme e krizës siriane është vazhdimi i procesit politik nën egjidën e Organizatës së Kombeve të Bashkuara. Në këtë kontekst të pranishmit kritikuan operacionin ushtarak turk në Siri dhe i bënë thirrje Ankarasë që të kërkojë zgjidhje të problemeve të saj të lidhura me sigurinë në mënyrë paqësore.

Si përfaqësuese e një shteti fqinj të Turqisë, i cili ka kufi me të me gjatësi 300 kilometra, Ministrja bullgare e punëve të Jashtme nënvizoi sa e rëndësishmja është që kanalet e komunikimit ndërmjet BE-së dhe Turqisë të mbeten të hapura dhe marrëveshja BE-Turqi të vazhdojë të zbatohet siç është zbatuar deri tani.