Papa Françesku e ngriti ekzarkinë apostolike në Sofje për katolikët nga ritet lindore në Bullgari në rangun e peshkopatës me emrin “Peshkopata e Sofjes Shën Joan XXIII për katolikët nga riti bizantin-sllav në Bullgari”. Për peshkop të parë në peshkopatë është i emëruar monsinjori Hristo Projkov. Peshkopata e re është ngritur më 11 tetor - dita në të cilën Kisha Katolike shënon festën liturgjike të Shën Joanit XXIII. Anxhelo Ronkali, papa i ardhshëm Joan XXIII, është përfaqësues i Selisë së Shenjtë në Bullgari që nga viti 1925 deri në vitin 1934. Me ndihmën e tij gjatë vitit 1926 Roma krijoi Ekzarkinë Katolike Apostolike me seli Sofja. Ronkali është i njohur si “Papa Bullgar”. Ai mbërriti në Bullgari në një periudhë të vështirë për vendin dhe zhvilloi një veprimtari të gjerë humanitare.