Me rastin e paralajmërimit-ultimatum të Presidentit turk Erdogan se do të hapë kufijtë e vendit të tij për 3.6 mln refugjatët Kryeministri Bojko Borisov komentoi se aktualisht presioni i migrantëve nga Turqia është zero. I vetmi njeri i cili ka hyrë në mënyrë ilegale në Bullgari nga Turqia është kthyer prapa, vuri në dukje Borisov dhe theksoi se BE-ja duhet të respektojë marrëveshjen e vet me Turqinë ashtu siç është. Zëvendëskryeministri Krasimir Karakaçanov, i cili përgjigjet për rendin publik dhe sigurinë, na siguroi se tani për tani nuk ka shqetësime për mbrojtjen e kufirit, por në qoftë se ka nevojë në kuadrin e 24 orëve mund të dërgohen 2000 ushtarakë për ta ndihmuar policinë.