Konfederata Evropiane e Volejbollit e ka angazhuar Bullgarinë për të qenë organizatore e finaleve të Ligës së Artë Evropiane të Volejbollit për femra gjatë vitit 2020. Federata bullgare e Volejbollit e përshëndeti vendimin si shenjë njohjeje të punës së saj në organizimin e forumeve prestigjioze ndërkombëtare. Gjatë muajit janar të këtij viti Bullgaria ishte mikpritëse e turneut të raundit të parë të kualifikimeve evropiane tek adoleshentët U18. Gara e ardhshme është me rëndësi të madhe për volejbollistet bullgare, sepse u jep shans për fitimin e kuotës për pjesëmarrjen në Ligën e Volejbollit të Kombeve gjatë vitit 2021.