Bashkëpunimi mes Bullgarisë dhe Vietnamit është me perspektivë në industrinë ushqimore, bujqësi, inxhinierinë mekanike, energjinë e ripërtëritshme, financa, tha Vasill Todorov nga Dhoma Bullgare e Tregtisë dhe Industrisë. 20 firma nga Vietnami dhe mbi 30 kompani bullgare zhvilluan bisedime për import të krahut të kualifikuar të punës në Bullgari, shtoi z. Todorov. Një bazë e mirë për bashkëpunimin e ardhshëm ekonomik është edhe marrëveshja tregtare midis BE-së dhe Vietnamit, vunë në dukje të dyja palat. Nguen Ti Tu Tui nga Agjencia Vietnameze për Inkurajimin e Tregtisë ftoi sipërmarrësit dhe investitorët bullgarë që të marrin pjesë gjatë muajit nëntor në ekspozitën më të madhe ndërkombëtare për industrinë ushqimore në qytetin Ho Chi Minh.