Në Nju Jork ministrat e punëve të jashtme të Bullgarisë, Kroacisë, Greqisë dhe Rumanisë miratuan një deklaratë të përbashkët për perspektivën evropiane të Ballkanit Perëndimor. “Para Këshillit të Çështjeve të Përgjithshme pohojmë se zgjerimi i Bashkimit Evropian në regjionin tonë është një investim strategjik dhe i leverdishëm për të dyja palët në sigurinë, qëndrueshmërinë dhe prosperitetin e Evropës. Hapja e negociatave për aderim do t’u japë mundësi Shkupit dhe Tiranës që të përqendrohen mbi reformat e domosdoshme. Në të njëjtën kohë Bashkimi Evropian do të mund t’i ndjekë drejtpërsëdrejti proceset e përparimit në zbatimin e marrëveshjeve të fqinjësisë së mirë - Traktatit të miqësisë, Fqinjësisë së Mirë dhe Bashkëpunimit ndërmjet Bullgarisë dhe Maqedonisës së Veriut dhe Marrëveshjes së Prespës ndërmjet Greqisë dhe Maqedonisë së Veriut”, thuhet në dokument.