Përfaqësues të lartë të pushtetit shtetëror dhe të sektorit privat marrin pjesë në forumin që po zhvillohet në Sofje me moto “Bashkëpunimi ndërmjet sigurisë publike dhe asaj private: Roli strategjik i partneritetit publik-shtetëror për kundërvënien e sulmeve kibernetike”. Ministri i punëve të brendshme Mlladen Marinov deklaroi se pas sulmit kibernetik kundër institucionit bullgar për mbledhjen e tatimeve (Agjencia Kombëtare e të Ardhurave) tentativat e ngjashme kundër institucioneve shtetërore janë të përditshme. Ishte nënvizuar se pagat e njerëzve, të cilët merren me siguri kibernetike në sektorin shtetëror janë tepër të ulëta dhe kjo krijon pengesë të madhe për sigurimin e ekspertëve të kualifikuar. Ka nevojë dhe për bashkëpunim ndërkombëtar dhe për unifikimin e legjislacioneve kombëtare për kundërvënie më të suksesshme të kriminalitetit kibernetik në botë.