Pas krizës globale të vitit 2009 ekonomia bullgare tashmë është ristrukturuar me sukses. Kjo shihet nga riorientimi i fuqisë punëtore. Pavarësisht nga rritja e prodhimit, të punësuarit në sektorin e ndërtimit janë përgjysmuar, 1/3 më pak janë ata në sektorin e prodhimit të tekstilit, më pak njerëz punojnë në industrinë e ushqimeve dhe mobiljeve, në sektorin financiar dhe bankar. Rritje dhe më shumë vende pune ka në sektorin e automjeteve, elektronikës, prodhimeve elektrike dhe inxhinierisë mekanike. Uzinat e reja në këto fusha e rrisin eksportin bullgar. Është ndryshuar dhe gjeografia e vendeve të reja të punës. Sofja mbetet prapa dhe aktualisht vendet më të preferuara nga investitorët janë Provdivi, rrethi i Sofjes, Stara Zagora, Sliven, Gabrovo. Zhvillohet industria dhe në qytetet më të vogla si Loveç, Pleven, Montana, tregojnë të dhënat e statistikës.