Grupi i përhershëm i ekspertëve mbi murtajën afrikane të derrave në Evropë po zhvillon takimin e vet të 14-të vjetor në Sofje. Për të marrë pjesë në forum në Sofje po ndodhen Komisioneri i BE për shëndetin dhe sigurinë e ushqimit Vityanis Andryukitis dhe Drejtori i përgjithshëm i Organizatës Botërore për Shëndetin e Kafshëve (OIE) Monique Eloit.

Në takimin e tij me Komisionerin Evropian, Kryeministri Bojko Borisov tha se Bullgaria po zbaton plotësisht të gjitha masat për të frenuar sëmundjen dhe pret që Komisioni Evropian të fillojë rimbursimin e shpenzimeve të bëra. Duke theksuar se sëmundja tashmë është një problem global, Kryeministri shprehu besimin se takimi i ekspertëve në Sofje do të kontribuojë për zhvillimin e një Strategjie Globale për Kontrollin dhe Asgjësimin e Murtajës Afrikane të Derrave në të gjithë botën. ​