Në një intervistë për Radion Kombëtare Bullgare Ambasadori i Rusisë Anatolij Makarov shprehu zhgënjim me sinjalet e ndryshme, të cilat i jep qeveria bullgare për drejtimin e zhvillimit të marrëdhënieve ndërmjet Moskës dhe Sofjes.

Më 9 shtator diplomati hapi në Sofje një ekspozitë me moto “75 vjet pas Çlirimit të Evropës Lindore nga nazizmi”. Lidhur me të njëjtën ngjarje Ministria bullgare e Punëve të Jashtme e kishte paralajmëruar Ambasadën ruse tek ne që të mos ndërhynte në debatin e brendshëm rreth temës së “çlirimit”. Ministria e Jashtme deklaroi se më 9 shtator 1944, pasi Bashkimi i Republikave Socialiste Sovjetike i shpalli luftë Bullgarisë, në vendin tonë u krye grusht shteti, qeveria, pozita e së cilës ka qenë kundër lidhjeve të Bullgarisë me Gjermaninë naziste, u rrëzua dhe vendi u okupua nga BRSS-ja dhe aleatët.

Në intervistën e dhënë për BNR Ambasadori Makarov e cilësoi këtë pozitë si e padrejtë dhe insistoi për thirrjen urgjente të një komisioni të përzier prej historianëve bullgarë dhe rusë, i cili do të qetësojë tensionin e krijuar rreth datës historike të 9 shtatorit.