Në një ceremoni zyrtare në Sallën e Famës në San Francisco, SHBA, kampionia e trefishtë botërore e boksit, bullgarja Desisllava Kirova, e cila është e njohur si Daisy Lang, mori titullin e radhës botëror. Ajo u dekorua si bullgarja e parë – kampione evropiane dhe botërore e boksit dhe si pionere në boksin e grave në Evropë. Karriera e Daisy Lang, e cila është boksiere profesionale, kampione botërore e GBU dhe e WIBF, ka kaluar përmes tri shteteve – Bullgaria, Gjermania dhe SHBA-ja. Para se të fillojë karriera e saj në boks ajo ka qenë kampione e karatesë në vitin 1995 dhe e kikboksit në vitin 1994. Ajo merret profesionalisht me boks që nga viti 1996.