Në mbledhjen programore të Grupit të Bashkimit Kristiansocial në Bundestagun e Berlinit Kryeministri Bojko Borisov deklaroi se Gjermania është partnere strategjike e Bullgarisë në BE dhe aleate me qëllime të përbashkëta në NATO. Bashkëpunimi dypalësh zhvillohet në mënyrë dinamike në fushat e politikës, sigurisë, ekonomisë, tregtisë, turizmit, shkencës dhe kulturës, tha ai dhe shtoi se gjatë vitit 2019 kur mbushen 140 vjet nga vendosja e marrëdhënieve dypalëshe diplomatike, perspektivat e këtij bashkëpunimi janë të shkëlqyera.

Në fjalimin e tij Kryeministri bullgar nënvizoi gjithashtu se Bullgaria e përkrah fortë perspektivën evropiane të shteteve të Ballkanit Perëndimor dhe bëri shumë për kthimin e kësaj teme në rendin e ditës të BE-së. Qeveria bullgare përshëndet dhe zgjedhjen e Ursula von der Leyen për Kryetare të Komisionit Evropian dhe është shumë e kënaqur me këtë se një anëtare e Partisë Popullore Evropiane bëhet gruaja e parë në këtë post, tha Bojko Borisov.