Vera është duke mbaruar, por shtatori gjithashtu është një muaj i përshtatshëm për pushime. A ka pushime të bukura pa ushqim të mirë, sidomos kur vapa e pakëson, por nuk e vret urinë? Përgjigja nënkuptohet. Në fshatin Stalevo të Bashkisë së Dimitrovgradit (Bullgaria Jugore) është duke u zhvilluar edicioni i dytë i festës për gjellë autentike “Me gjellët e stërgjyshërve tanë”. Mbi 150 pjesëmarrës po i prezantojnë aftësitë e tyre kulinare. Tërë ditën kuzhinierë vendas do të tregojnë se si mund të prodhoni në kushte shtëpiake djathë për shembull, si dhe specialitete të tjera. Mysafirët nga fshati Smiljan në malin Rodope do të demonstrojnë se çfarë gjellësh mund të gatuhen nga fasulet e njohura të Smiljanit .