Me një vendim të Këshillit të Ministrave Ministria e Mbrojtjes shpalli për shitje pronësi tërheqëse ushtarake në bregdetin tonë jugor pranë Detit të Zi – këto janë ish-reparte ushtarake, të cilat tashmë nuk përdoren dhe ndodhen shumë afër detit. Kundër veprimeve të Ministrisë së pari reaguan ashpër kryetarët e bashkive të qytezave bregdetare Pomorie dhe Çernomorec. Ata u përkrahën nga vendasit, sipas të cilëve një pjesë e territoreve të ish-reparteve janë private dhe janë rimëkëmbur nga pronarët e tyre. Një pjesë e trojeve të shpallura për shitje ndodhen afër Pomories në një sipërfaqe prej 56 dynymësh, nga ku shtrihet një pamje e mrekullueshme drejt tërë Gjirit të Burgasit. Ato janë përfshirë në planin urban me idenë që zona bregdetare të shndërrohet në një park detar në qytet. Banorët janë duke përgatitur protesta me kërkesa për dorëheqjen e Ministrit të Mbrojtjes Krasimir Karakaçanov.