Arkeologët zbuluan në qepin e Detit të Zi Kaliakra një varrosje mjaft të pasur nga shekulli i 14 të një aristokrati të panjohur deri në këtë moment-Zoti Gjeorgji Paleolog. Gërmimet janë nën drejtimin shkencor të docentes, doktoresha Boni Petrunova, drejtoreshë në Muzeun Historik Kombëtar. Në varr janë gjetur dhurata të pasura, të cilat japin mundësi të mund të rinovohet rituali rreth përcjelljes së të vdekurit të ri. Gropa funerale është e formuar mbi një shkëmb me një rreth prej gurëve. Fytyra e fisnikut të vdekur ka qenë e mbuluar me një stof më luksoz, mbi trup janë vendosur dhurime dhe një enë prej qelqi, në të cilën sipas besimeve të atëhershme janë mbledhur lotët e vajtueseve. Sendi i cili bën përshtypje më të madhe nga dhuratat e gjetura në varrezë është një unazë e madhe prej floriri, e cila zbulon emrin e të vdekurit të varrosur - Gjeorgji, si dhe origjinën e tij fisnike.