Ish kryetari i Komisionit Kundër Korrupsionit Pllamen Georgjiev është përcaktuar për konsull në qytetin spanjoll Valencia për shkak të kontakteve të tij jashtëzakonisht të mira me organet spanjolle të zbatimit të ligjit. Kështu nga Ministria e Punëve të Jashtme iu përgjigjën pyetjes zyrtare të Radios Kombëtare Bullgare sa u përket motiveve për emërimin. “Puna në këtë rreth konsullor kërkon një koordinim jashtëzakonisht të mirë me autoritetet vendase, kurse Gjeorgjievi zotëron dhe gjuhën spanjolle”, vihet në dukje në përgjigjen e institucionit. Georgjievi dha dorëheqje nga posti kryetar i Komisionit Kundër Korrupsionit gjatë muajit korrik të këtij viti pas një skandali me 186 metra katrore të padeklaruara të  apartamentit të tij.