Rreth gjysmë mln bullgarë tashmë kanë kontrolluar nëpërmjet një aplikacioni të posaçëm në internet nëse të dhënat e tyre tashmë janë rrjedhur pas sulmit të hakerëve në Agjencinë Kombëtare të të Ardhurave, gjatë të cilit rrodhën të dhënat e rreth 5 mln vetave. Rreth 75 për qind prej të kontrolluarve kanë marrë përgjigje pozitive. Partia Socialiste Bullgare (BSP) parashtroi në Parlament një kërkesë sipas së cilës qeveria duhet të sigurojë falas ndërrimin e dokumenteve personale të të prekurve nga sulmi i hakerëve. GERB i akuzoi socialistët se përpiqen të shkaktojnë panik në shoqëri. Agjencia e të Ardhurave bëri të ditur se nuk ka nevojë për ndërrim në masë të dokumenteve personale.