Një emigrant bullgar në Britaninë e Madhe menaxhon fabrikë të vet për riciklimin e gomave të vjetra. Ajo ndodhet në rajonin e qyteti Plimut (Plymouth) në pjesën jugperëndimore të mbretërisë dhe siguron punë për 18 veta, shumica prej të cilëve janë bullgarë. Gomat e ricikluara ofrohen në treg me çmime shumë të favorshme. Kjo është arsyeja për të cilën klientët e fabrikës janë shumë, kryesisht njerëz vendas, të cilët i blejnë gomat drejtpërsëdrejti nga fabrika. Pronari i saj quhet Stefan Kostov dhe është emigrant në Britaninë e Madhe që nga viti 1998. Për një kohë të gjatë ai ka qenë punëtor në gomisteri. Në vitin 2017 e ka marrë vendimin për fabrikën dhe ka marrë me qira terren të përshtatshëm për të. Investimi fillestar sipërmarrësi e ka siguruar me kredi bankare. Sa i përket Brekzitit Stefan Kostov mendon se ai nuk do të ndikojë në mënyrë të konsiderueshme mbi biznesin e tij.