Në mbledhjen e Këshillit kombëtar për bashkëpunim mbi çështjet etnike dhe ato të integrimit, zëvendëskryeministri Krasimir Karakaçanov prezantoi Konceptin për ndryshimin e politikës së integrimit të romëve në Bullgari. Ai nënvizoi se përpjekjet e deritanishme për integrim nuk japin rezultatet e pritura dhe varfëria dhe analfabetizmi ndër rromet janë akoma më të përhapur. Përqindja e fëmijëve, të cilët nuk frekuentojnë shkollë është duke u rritur, kriminaliteti në getot e romëve është tepër i lartë. Karakaçanovi alarmoi se gjatë 10 vjetëve të fundit për integrimin e romëve janë harxhuar 100 mln. euro nga buxheti shtetëror dhe mbi 300 mijë euro të ofruara nga fonde të jashtme, kurse efekti është zero. Përfaqësuesit e shoqatave etnike apeluan për debat objektiv. Sipas tyre problemi nuk duhet të përdoret për qëllime politike para zgjedhjeve vendore gjatë vjeshtës.