Vendet për studentët e huaj me origjinë bullgare në universitetet tona janë rritur deri më 2000 për këtë vit akademik, por aplikantët tani për tani janë më pak. Pothuaj 800 janë studentët e regjistruar deri tani, por procesi i regjistrimeve po vazhdon, bëri të ditur Ministri i Arsimit Krasimir Vëllçev. Sipas tij arsimi në Bullgari do të bëhet më atraktiv në se rriten bursat. Ministri Vëllçev u rekomandoi universiteteve të jenë më të angazhuar me tërheqjen e studentëve nga diasporat bullgare. Ministria e Arsimit do të lëshojë më shumë mjete financiare për ta popullarizuar studimin tek ne ndër të rinjtë nga diasporat historike bullgare dhe do të përdorë ndihmën e shkollave të së dielës në diasporat më të reja, tha Vëllçevi. Do të lehtësohen procedurat e aplikimit dhe regjimi i vizave, premtoi ministri.