Bullgaria vazhdon të jetë ndër vendet e prapambetura sa u përket inovacioneve, kurse shpenzimet shtetërore për studime shkencore mbeten të ulëta, tregon Raporti krahasues i Komisionit Evropian. Bashkimi Evropian për vitin e katërt me radhë përmirëson pozitat e tij globale dhe për herë të parë e tejkalon SHBA-në, por mbetet prapa Japonisë dhe Koresë Jugore. Për shkak të ndërmarrjeve në sektorin teknologjik, të cilat janë duke u zhvilluar, Bullgaria po përmirëson performancën e saj në inovacione, por kjo nuk është e mjaftueshme për të kaluar në grupin e pionierëve , pohon raporti. Bullgaria mbetet ndër novatorët me kontribut të vogël në sektor falë zhvillimit në pjesën jugperëndimore dhe atë qendrore të vendit. Bullgaria Veriore dhe Lindore janë regjionet me më pak shpenzime për kërkime studimore, inovacione të brendshme dhe patenta (ndër 238 regjionet evropiane në 23 shtetet e përfshira në këtë raport).