Ministrja e Energjetikës Temenuzhka Petkova hapi në qytetin Varna një konferencë ndërkombëtare me temë: “Energjetika atomike bullgare – siguri kombëtare, regjionale dhe botërore”, në të cilën marrin pjesë ekspertë kryesorë në sferën e energjetikës nga Bullgaria dhe jashtë. Petkova nënvizoi se realizimi i projektit “Belene” do të rritë sigurinë energjetike jo vetëm në Bullgari, por dhe në tërë regjionin dhe është një mundësi e mirë për kalimin drejt energjisë me nivele të ulëta të karbonit, siç është tendenca në tërë Bashkimin Evropian. Ajo theksoi edhe rolin ekonomik të projektit për krijimin e vendeve të reja të punës për specialistë me kualifikim të lartë dhe për zhvillimin e regjionit.