“Frankfurti është vendi, ku bullgarët janë mirëseardhur për të banuar dhe të zhvilluar karrierën e tyre. Ne krenohemi për bashkëqytetarët tanë. Ata janë punëtorë dhe ambiciozë. E ruajnë identitetin e vet dhe në të njëjtën kohë janë integruar shumë mirë.“ Kështu Kryetari i Bashkisë së Frankfurtit mbi Main Peter Feldmann e priti Nënpresidenten Ilijana Jotova në kuadrin e vizitës së delegacionit bullgar në qytet. Sipas të dhënave zyrtare në Gjermani banojnë pak mbi 300 000 bullgarë, por vetëm në Frankfurtin mbi Main ata janë rreth 130 000. Dje në një takim me Ministren e Çështjeve Federale Evropiane të provincës gjermane Hesia Lucia Puttrich Nënpresidentja bullgare Ilijana Jotova shqyrtoi sfidat para BE-së dhe rezultatet e zgjedhjeve evropiane. “Institucionet evropiane nuk kishin guxim të mjaftueshëm, që ta mbarojnë mandatin e tyre me ndryshimin e rregullores së Dublinit dhe me miratimin e një politike të përbashkët të migracionit” – komentoi Nënpresidentja bullgare.