Agjencia e Sigurisë së Ushqimeve bëri të ditur se mishi i qengjit i importuar nga Maqedonia e Veriut, i cili është në tregun bullgar, është absolutisht i parrezikshëm dhe u përgjigjet standardeve të BE-së. Ai disponon certifikatat e domosdoshme veterinare, të dhëna nga organet kompetente në Maqedoninë e Veriut. Mishi i qengjit kalon në BE përmes pikëkalimit në Greqi, sepse atje ka pika kontrolluese, të cilat lëshojnë dokumentet përkatëse veterinare, vë në dukje agjencia. Ju rikujtojmë se fermerët bullgarë kërkuan ndërhyrjen e autoriteteve, që të kontrollohet mishi i qengjit i importuar nga Maqedonia e Veriut, çmimi i të cilit është me 20 për qind më i ulët nga ai bullgar.