Shtetasit e Mbretërisë së Madhe, të cilët dëshirojnë të mbeten në Bullgari pas Brexit-it, në se nuk arrihet marrëveshje ndërmjet shtetit të tyre dhe Bashkimit Evropian, do të duhet të kërkojnë leje për qëndrim në vend deri në fund të vitit 2020. Këtë e parashikojnë ndryshimet në Ligjin për të huajt, të miratuara nga Kuvendi Popullor në Sofje. Rregullat për qëndrim dhe hyrje në Bullgari të britanikëve janë parashikuar në këtë ligj, me përjashtim të rasteve, në të cilat shtetasit e Britanisë së Madhe tashmë kanë krijuar lidhje afatgjata me vendin tonë. Kontrollimet përkatëse të sigurisë do të jenë të njëjtat, siç do të jenë ato të ushtruara nga organet kompetente të Britanisë së Madhe në lidhje me aplikantët bullgarë për marrjen e statusit të qëndrimit në Mbretërinë e Bashkuar.