Two Men Orchestra përbën një duet krijuar nga Nikollaj Ivanovi O.M. dhe Petër Jordanovi - Bëni, të dy muzikantë të cilët gjatë viteve afirmuan prirjen e tyre ndaj muzikës etno dhe uërlld.
Nikollaj Ivanovi është një artist me interesa të shumanshme. Ai ka kompozuar muzikën e më se 50 filmave, shfaqjeve teatrore dhe të baletit, është mbajtës i një sërë çmimesh. Angazhimet i gërsheton me koncerte të shumta. Ka dhënë koncerte në pothuajse në të gjitha vendet evropiane, në Lindjen e Mesme, në Afrikë. Ka koncerte me vete dhe me grupin OM, luan në vegla të ndryshme muzikore. Për nga arsimi është piktor, kështu që me furçën gjithashtu rikrijon botëkuptimin e tij. Arti është ura e tij midis Lindjes dhe Perëndimit, midis botës shpirtërore dhe asaj materiale. Atij i pëlqen të gërshetojë ide të reja me ide tradicionale, të kërkojë frymëzimin në hapësirën midis xhazit dhe muzikës avangarde.
Petër Jordanovi – Bëni është perkusionist dhe kompozitor. Si shumica e njerëzve të rinj atij i pëlqen të eksperimentojë, duke shfrytëzuar vegla të ndryshme muzikore. Ndër to janë kahon, xhembe, kalimba afrikane etj. Merr pjesë në projekte dhe koncerte të ndryshme, udhëheq një punishte të veglave me goditje, organizon festivale (Sofia Fusion Fest, „Beglika Fest“ etj.). Është njeri prej bashkëthemeluesve të formacionit “Oratnica”, me të cilin ka dhënë koncerte në Evropë, ShBA-në, Rusi dhe Lindjen e Largët. Shpesh del në skenat e Teatrit Popullor “Ivan Vazov” dhe në Teatrin “Bëllgarska Armija” (Ushtria Bullgare).
E përbashkëta midis të dy instrumentistëve është qëndrimi i përngjashëm ndaj stileve etno, emient, xhaz, elektronik, muzikë sakrale dhe ezoterike. Kështu lindi albumi Magical Views, në të cilin u përfshin 14 pjesa e muzikantit Nikollaj Ivanov O.M.. Përpunimet i bënë bashkë me Petër Jordanovin - Bëni.
“Përfundoi pjesa e parë e turneut në të cilin promovuam albumin Magical Views – tregon Bëni. – Deri tashti e prezantuam në qytetet, Sofja, Trojan, Kazanllëk, Stara Zagora, Veliko Tërnovo. Koncertet ishin në galeri, muze, në të hapur dhe atmosfera ishte spontane. Pavarësisht nga vendi ku ishte koncerti publiku dëgjonte me vëmendje muzikën dhe blinte disqet. Kërkuan edhe autografe.”
“Të gjitha kombinimet e timbreve të veglave muzikore, të cilat shfrytëzojmë në këtë projekt janë shumë të suksesshme – shton Nikollaj Ivanovi. – Ne të dy me Petër jemi kompakt si një duo. Krahas kësaj jemi atraktiv si kompozitor. Në kohë reale incizojmë fraza, të cilat i pasurojmë me tinguj dhe me ritëm. Ofrojmë muzikë, e cila është interesante dhe nuk është komerciale. Duke parë interesin e publikut ndaj koncerteve tona, mendoj, se projekti është shumë i suksesshëm. Kudo që prezantuam albumin publiku mirëpriti muzikën tonë në mënyrë emociononte. Të dy me Petër jemi të bindur, se atë që bëjmë ka kuptim, shpresojmë se do të pasurojmë në të ardhmen. Turneu do të vazhdojë me koncerte në Kikinda – një qytet në Serbinë Veriore. Pas kësaj radhiten qytetet hungareze Seged dhe Budapest. Turneu i parë jashtë shtetit përfundon në Bukuresht – Rumani. Në Bullgari vazhdojmë në qytetet Varna, Ruse, Burgas, Pllovdiv."
Përgatiti në shqip: Svetllana Dimitrova
Opera më e vjetër jo-kryeqytetëse në Bullgari – Opera e Stara Zagorës, e cila feston një përvjetor mbresëlënës këtë sezon krijues, paraqet kryeveprën e Verdit "Rigoletto" më 28 dhe 29 mars. Ekipi i produksionit drejtohet nga këngëtari dhe..
Kristian Kostov, edhe pse i ri, tashmë është një interpretues dhe autor i njohur. Ai la një përshtypje të fortë gjatë sezonit të katërt të X Factor në vendin tonë, duke arritur në finalen e madhe dhe duke fituar një audiencë të madhe. Më pas ai u shfaq..
Danny Levan është një interpretues i ri me origjinë bullgaro-greke. Pas suksesit të këngës së tij në duetin me Hristiana Loizu, të quajtur në bullgarisht " Më fsheh sytë" vitin e kaluar, Danny është gati me një këngë të re të titulluar "Më e..
Kompozitori i këngëve për fëmijë Dono Cvetkov prezanton albumin e tij të ri "Ku jetojnë mrekullitë?" me një koncert të madh më 15 prill në Klubin..
E lindur në një familje muzikantësh, Dani Ilieva këndon për më shumë se dhjetë vjet. Ajo mori pjesë në disa formate muzikore, por arritja e saj më e..