Turqia mirëmban marrëdhënie shumë të afërta me Bullgarinë. Turqit bullgarë kontribuojnë suplementarisht për marrëdhëniet e mira bilaterale mes dy vendeve tona fqinje, miqësore dhe aleate, deklaroi zëdhënësi i Ministrisë së Punëve të Jashtme në Ankara Hami Aksoy. Vendet kujdesen për mosndërhyrje në punët e tyre të brendshme. Por pas bisedimit dypalësh mes ministrave të jashtëm për ndryshimet në Ligjin bullgar për bashkësitë fetare, fjalët e Ministrit Mevlüt Çavuşoğlu janë kuptuar gabimisht dhe janë shtrembëruar në mediat bullgare. Në këtë mënyrë disa rrethe keqdashëse përpiqen ta prishin miqësinë turko-bullgare, tha zëdhënësi turk. Ju rikujtojmë se Kryeministri bullgar Bojko Borisov kërkoi falje nga Ankaraja, por nuk e mori, për shkak të një deklarate të bërë në një miting paraelektoral nga Ministri turk Çavuşoğlu, se nën presionin e Ankarasë janë bërë ndryshime në Ligjin bullgar për bashkësitë fetare.