Në lidhje me njoftimet se australiani, i cili vrau dhe plagosi dhjetëra njerëz në Zelandën e Re, 4 muaj më parë ka qenë në Bullgari, Ministri i Punëve të Brendshme Mlladen Marinov deklaroi për Radion Kombëtare Bullgare nga Shtetet e Bashkuara se midis 9 dhe 15 nëntorit vjet sulmuesi me të vërtetë ka qenë në Bullgari, por nuk ka pasur kontakte me qytetarët vendas dhe në këtë etapë mund të pohohet , se vizita ka qenë vetëm me qëllim turizëm. Deklarata erdhi pasi në bazë të të njëjtit shkak Kryeministri Bojko Borisov zhvilloi një mbledhje të jashtëzakonshme me drejtoritë e prokurorisë, me Agjencinë Shtetërore për Siguri Kombëtare, me Drejtorinë e Përgjithshme për Luftë kundër Kriminalitetit të Organizuar dhe me policinë. Marinov ndodhet në Shtetet e Bashkuara për takime me shefat e Byrosë se Hetimeve Federale (FBI), Secret Service dhe zyrat për siguri kufitare. Pritet që të vizitojë po kështu kufirin me Meksikën, që të mund të shikojë pajisjet nëpër kufirin jugor amerikan. Ideja është që të shihet përdorimi eventual i përvojës gjatë kundër veprimit të presionin të imigrantëve ndaj Bullgarisë.