Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Radioja Kombëtare Bullgare organizoi takim të Mediave Publike të Evropës Juglindore

Sa më e mirë është lidhja midis mediave dhe qytetarëve, sa më pak të ngjarë është që ata të bëhen viktima të presionit politik

БНР Новини

Krahas samitit “BE-Ballkani Perëndimor” në Bullgari u zhvillua edhe takimi i udhëheqësve të mediave publike të 12 shteteve të Evropës Juglindore. Ftesa ishte bërë nga Radioja Kombëtare Bullgare dhe me përkrahjen e Bashkimit Evropian të Radio Televizioneve (EBU).

Снимка

Për Radion Kombëtare Bullgare kjo nuk është thjeshtë një iniciativë strategjike ndërkombëtare” – tha në fjalimin e vet Drejtori i Përgjithshëm i Radios Kombëtare Bullgare Aleksandër Velev. Kjo është një mundësi për t’i rifilluar takimet vjetore të mediave publike ballkanike me qëllim vendosjen e marrëdhënieve të mira fqinjësore dhe bashkëpunimin më të ngushtë në regjion. 

Снимка

Në takim ishte i pranishëm edhe kryetari i EBU-së Noel Curran. Ai theksoi lidhjen e ngushtë të institucionit të tij me mediat publike të vendeve nga Evropa Juglidnore dhe shprehu shpresë se forumi do të kontribuojë për kuptimin më të mirë të nevojave të tyre. “Qëllimi i përbashkët, por njëkohësisht perspektiva unikale e çdo një prej pjesëmarrësve, e pasurojnë bashkimin tonë, siç na frymëzon edhe motoja e Presidencës Bullgare të Këshillit të BE-së, e cila është “Bashkimi e bën fuqinë”, tha Curran gjatë hapjes së diskutimit. Qëllimi kryesor i mediave publike duhet të jenë lajmet e vërteta – kështu ato do ta fitojnë besimin e njerëzve. Sfidat kryesore, nga ana tjetër, janë financimi sa më i kufizuar, pranimi i tyre si diçka nga e kaluara, konkurrimi për publik, gjigantet e internetit për shkarkim të përmbajtjes dhe rrjetet sociale. Dhe pavarësisht nga kjo mund të jemi optimistë, të shkëmbejmë përvojë dhe të mësojmë nga njëri-tjetri, të bashkojmë zërat tanë, kështu që të mund të na dëgjojë bota”.

Pas prezantimeve 5-minutashe të të gjithë përfaqësuesve fjalën e mori Vojislav Raonic nga Mali i Zi. Ai është drejtori i projekteve evropiane për financim 2018-2020 (European Funding Projects) në përkrahje të mediave publike të 6 shteteve të Ballkanit Perëndimor (Shqipëria, Bosnja e Hercegovina, Kosova, Republika e Maqedonisë, Mali i Zi, Serbia).

Projekti “Empowering Societies”i prezantuar nga Bashkimi Evropian i Radio-Televizioneve do të diskutohet gjatë qershorit të këtij viti në Tiranë të Shqipërisë. Qëllimi i tij kryesor është të garantojë pavarësinë politike dhe financiare të mediave publike të këtyre shteteve, të ndihmojë reformimin e tyre për arritjen e standardeve profesionale dhe efektivitetin ekonomik, të ndihmojë aktualizimin dhe digjitalizimin e përmbajtjes së programeve. Është me rëndësi të kuptohet domosdoshmëria e mediave publike, të formulohen vlerat e tyre kryesore, ndër të cilat janë universaliteti, pavarësia, dinjiteti, pluralizmi, përgjegjësia, inovacionet dhe të sqarohet misioni i tyre kryesor – t’u shërbejnë njerëzve.

Снимка

Gjatë debateve u bë e qartë, se mediat publike ballkanike kanë nevojë për reformim. Lidhur me këtë Vojislav Raonic theksoi:

Mediat publike janë në krizë. Edhe në politikë që nga vitet 90-të të shekullit të kaluar dominon kultura korporatave, inovacionet teknologjike janë kudo. Ja përse është e domosdoshme që mediat sa më shpejtë të transformohen. Sot gjithçka është në internet. Mediat publike duhet të digjitalizohen dhe njëkohësisht të mbrojnë pavarësinë e tyre dhe cilësinë e përmbajtjes. Nuk ka ndonjë recetë universale. Të gjitha mediat publike kanë përgjegjësi ndaj shoqërisë. Ja përse gazetaria duhet të jetë objektive. Mediat publike i shërbejnë shoqërisë – ky është misioni i tyre e prandaj duhet të kërkojnë balancën. Ata duhet të pranojnë sfidat e sotme dhe të adaptohen ndaj logjikës korporatave, e cila kërkon më shumë efikasitet, teknologji të reja dhe shkurtimin e rrugës nga ideja deri te transmetimi.”

Sipas projektit në fjalë për arritjen e këtyre qëllimeve janë të domosdoshme legjislacion i mirë, subvencionim i qëndrueshëm, menaxhim profesional.

Përgatiti në shqip: Vesella Mançeva, Svetllana Dimitrova

Foto: Ani Petrova



Последвайте ни и в Google News Showcase, за да научите най-важното от деня!

Më shumë nga rubrika

Bullgaria feston Orën e Tokës dhe Ditën Botërore të Ujit

Gjithçka filloi në një mbrëmje marsi të vitit 2007 me iniciativën e WWF – 2 milionë njerëz dhe 2 mijë kompani në Sidnej (Australi) fikën dritat për një orë – nga ora 20:30 deri në 21:30 – për të treguar kujdesin e tyre për natyrën dhe klimën. Në atë..

botuar më 25-03-22 6.20.PD

Për herë të 13-të Bullgaria është pjesë e Javës Botërore të Parasë

Bullgaria edhe një vit merr pjesë në nismën Java Botërore e Parasë. Ky është edicioni i 13-të i Fushatës Globale për Rritjen e Ligjërimit Financiar midis Nxënësve në Bullgari dhe vazhdon deri më 23 mars. Organizator është Rrjeti Ndërkombëtar i..

botuar më 25-03-21 5.55.PD
Vjaçesllav Llupov

Kryetari i bashkisë së Taraklisë pret bashkëpunim më aktiv me autoritetet bullgare

Afro 80% e popullsisë së qytetit moldav Taraklija janë bullgarë etnikë. Në planin historik, qyteti është themeluar në fillim të shekullit XIX nga kolonia bullgare si pasojë e një serie luftërash ruso-turke. Kryetari aktual i qytetit Vjaçesllav..

botuar më 25-03-20 7.05.PD