Kompozitori i madh bullgar Mitko Shterev më 28 janar shënoi jubileun 70-vjeçar. Për këtë përvjetor e përgëzuan shumë miq, kolegë dhe të afërm. Mitko Shterevi është autor i disa prej këngëve më të dashura dhe të preferuara nga disa breza bullgarësh si “Shpirt”, “Severina”, “Blusë për të dy”, “Lutje për shi”, “Nesër”, “Vjeshtë” e shumë, shumë të tjerë. Është themeluesi dhe lider i grupit “Diana Ekspres”. Krahas kësaj ka kompozuar muzikën e më se 30 filmave bullgarë, ndër të cilët “Adaptim”, “Kombin”, “Dubluesi”,“La donna E mobile” e shumë të tjerë. Lidhja e Krijuesve të Filmave në Bullgari e caktoi “kompozitor të mijëvjeçarit”.
Mitko Shterevi është i bindur, se në se një kompozitor dëshiron të jetë profesionist muza e tij e vetme duhet të jetë muzika dhe vazhdon: “Që para vitesh zbulova, se një kompozitor kur mbush 55 – 60 vjet duhet të shikojë me optimizëm mbi krijimtarinë e të rinjve. Sepse të rinjtë e shikojnë botën nga një këndvështrim tjetër. Muzika pop është lidhur ngushtë me modën, politikën, ekonominë. Ajo mund të dëgjohet kudo. Ndoshta kjo është arsyeja për të cilën ajo ndryshohet vazhdimisht, pothuajse si moda. Në këtë sfond mund të them, se kam fat, sepse njerëzit i njohin këngët e mia. Gjatë tre viteve të fundit me grupin “Diana Eksperes” të cilin e themelova në vitin 1974 realizuam më se 20 koncerte në Bullgari, 5 në Kanada dhe 1 në Angli. Më bëri përshtypje, se kudo bullgarët dinë këngët e mia.”
Për punën e tij më të funditkompozitori i madh bullgar Mitko Shterev tregon: “Fundin e vitit 2015 e shënova me përfundimin e diskut “40 vjet “Diana Ekspres” – “Dhjetë hite të arta”. Ai do të dalë në tregun muzikor me një album tjetër me titull “Mozaik”. Ai përmban 10 vepra – 4 për orkestër dhe 6 këngë. Gjatë marsit ato dy albume do të jenë në tregun muzikor. Kështu dëshirojmë të shënojmë përvjetorin. E reja është cilësia e tingëllimit. Kemi në plan të prezantojmë ato dy albume si në Bullgari, ashtu edhe jashtë shtetit. Për koncertet do të ftojmë edhe miq muzikantë.”
Përgatiti në shqip: Svetllana Dimitrova
Në harmoni me motin jashtë, në fund të verës Severin Georgiev prezanton këngën e tij më të re "Do të bjerë shi". Kjo është kënga e dytë e Severinit, të cilin e njohim si pjesëmarrës në sezonin e fundit të “Zëri i Bullgarisë”. Kënga “Do të bjerë..
Nga grupi “Mary Boys Band” thonë se këtë vit vera do të zgjasë deri më 25 tetor - sepse koncerti i tyre tradicional, në të cilin këndojnë refrenin ikonik "Vera po shkon, vjeshta po vjen ", do të mbahet më 25 tetor në Sofje dhe do të shënojë fillimin e..
Grupi “Ostava” e ka bërë traditë që në fillim të shtatorit të festojë ditëlindjen me një koncert në “Majmunarnika” – një vend i njohur në qendër të Kopshtit të Borisit në Sofje. Këtë vit tradita vazhdon me një takim me publikun në datën 11..
Kori i Fëmijëve i Radios Komb;tare Bullgare (BNR) është ndër finalistët e konkursit prestigjioz ndërkombëtar për koret joprofesionale “ Le të këndojnë..
Më 5 tetor, në sallën e dhomës "Bullgaria" në Sofje, Sllavin Peev do të festojë dy dekada në skenë me arie të njohura nga klasikët e operës. Së..