Me afrimin e stinës së skive sikur sipas një tradite fillojnë edhe protestat ekologjike. Edhe veprimtari të zakonshme tradicionale të riparimit para fillimit të sezonit të ri në pushimoret e skive provokojnë aktivizimin e mbrojtësve të natyrës të cilët me peticione dhe parakalime protestojnë kundër ndërtimit të tepruar të malit. Megjithëqë akoma nuk ka dëborë, protesta e parë e stinës së re tashmë u caktua për javën e ardhshme në qendrën e Sofjes. Demonstrata, për të cilën njoftuan nga Koalicioni Ekologjik “Që të mbetet natyra në Bullgari” përbën një përgjigje të vendimit të Ministrisë së Ambientit Rrethues dhe të Ujërave për zëvendësimin e një teleferiku të vjetër në zonën e skive në Bansko. “Viktimë” të këtij ndërrimi do të bëhet 57 arnenjtë e bardh dhe bredha. Sipas të dhënave të Ministrisë së Ambientit Rrethues dhe të Ujërave do të prenë 31 metra kub druri ose 0.0004 për qind prej resurseve të përgjithshme pyjore të Parkut Natyror Pirin. Nga ana e vet investuesi merr përsipër detyrimin të pyllëzojë tri herë më shumë pemë halore në një vend të koordinuar me drejtorinë e parkut.
Deri këtu përfundojmë me shifrat. Jashtë tyre është mirë të dihet, se mosmarrëveshjet midis mbrojtësve të natyrës dhe pushimoreve të skive nuk datojnë nga dje. Edhe shkaqe për pa pajtime të reja gjithnjë ka. Sikur një katalizator për mosmarrëveshjet e pandërprera u bë modernizimi i zonës së skive mbi qytetin Bansko në vitin 2003, kur në vendin e një teleferiku të vjetër të ndryshkur dhe dy pistave u ndërtuan 70 kilometra pista të reja dhe disa teleferikë modernë. Shndërrimi i qytetit Basnko në qendrën më moderne dimërore në Evropën Lindore, sfidoi mbrojtësit e natyrës. Duke shtuar, se ai është edhe organizatori tradicional i garave për Kupën Botërore të Skive atëherë me bazë kjo pushimore kthehet në një qendër tërheqëse për mijëra turistë. Frikët e mbrojtësve të natyrës se mali do të ndotet janë me bazë. Mirëpo, ata filluan një luftë kundër adhuruesve të sportit të skive dhe bënë gabim. Dhe kjo për arsye, se adresa e luftës së tyre shumëvjeçare është pushteti i korruptuar vendor, ose qendror, pushtet ky i cili lejoi ndërtimin e pakontrolluar të hoteleve dhe vendbanimeve pushimore në rajonin e qytetit. Lejet për ndërtim, që jepen që nga viti 2003 e deri më sot nuk janë të përputhura me infrastrukturën e këtij vendbanimi malor. Krahas kësaj nuk evidentohet edhe efekti i fluksit turistik për malin. Me këtë ndërtim të tepruar pamja tërheqëse e qytetit sikur po zhduket. Kështu shuhet edhe dëshira e turistëve të kalojnë pushimet dimërore aty. Si rezultat banorët vendas janë të vështirësuar të nxjerrin bukën e gojës.
Në këtë sfond mungon edhe një politikë shtetërore për zhvillimin e pushimoreve malore në Bullgari, megjithëqë vendi dëshiron të bëhet destinacion prijës turistik në Evropë. Sportet dimërore dhe mbrojtja e natyrës duhet të ecën krah për krah, kështu siç është kjo në Alpet. Pirini nuk është Alpet, por mund të kërkojë përvojën si të zhvillojë turizmin dimëror pa të jetë kërcënuar pastërtia e natyrës. Mund të shpresojmë vetëm, se protesta e ardhshme ekologjike do të dalë jashtë suazave të diskutimeve të thjeshta pro dhe kundër riparimit të një teleferiku dhe do të japë fillimin e një debati kuptimplotë shoqëror për të ardhmen e ski turizmit në Bullgari.
Përgatiti në shqip: Svetllana Dimitrova
Radioja Kombëtare Bullgare (BNR) dhe Akademia Bullgare e Shkencave nënshkruan një Memorandum mbi bazën e të cilit do të bashkëpunojnë dhe do të ndërmarrin iniciativa të përbashkëta për të promovuar veprimtarinë shkencore dhe kërkimore të..
Këtë javë pritet që presidentja e Komisionit Evropian, Ursula von der Leyen , të prezantojë zyrtarisht propozimin e saj për strukturën dhe përbërjen e KE-së së re , në të cilën ajo kërkon të arrijë një ekuilibër gjinor në mandatin e saj të dytë në..
Në edicionin e 31-të të Panairit Tradicional Vjeshtor që fillon sot në Parkun e Qytetit të Razgradit, prodhues nga i gjithë vendi do të prezantojnë produktet e tyre. Me suvenire të punuar me dorë do të marrin pjesë edhe Qendra Ditore për të Rriturit..
Këtë javë pritet që presidentja e Komisionit Evropian, Ursula von der Leyen , të prezantojë zyrtarisht propozimin e saj për strukturën dhe përbërjen e..
Në edicionin e 31-të të Panairit Tradicional Vjeshtor që fillon sot në Parkun e Qytetit të Razgradit, prodhues nga i gjithë vendi do të prezantojnë..
Radioja Kombëtare Bullgare (BNR) dhe Akademia Bullgare e Shkencave nënshkruan një Memorandum mbi bazën e të cilit do të bashkëpunojnë dhe do të..