Çfarë të presim nga konsultimet për ndryshimin e kushtetues

botuar më 15-04-18 11.05.PD

Foto: arkiv

Partia në pushtet GERB shpalli, se javën që vjen do të fillojë konsultime me të gjitha forcat parlamentare për arritjen e konsensusit për ndryshime kushtetuese ne lidhje me reformën në sistemin gjyqësor. Ideja është që Këshilli i Lartë i Drejtësisë të ndahet në dy dhoma – njëra të gjyqtarëve, tjetra të prokurorëve, ndërsa Prokurori i Përgjithshëm të raportojë për punën e tij para parlamentit. Synimet për reformimin e Këshillit datojnë nga rreth dhjetë vjet dhe nuk përbëjnë ndonjë befasi. Befasia vjen nga fakti, se deri para pak kohe Ministria e Drejtësisë mendonte se një reformim i tillë është i mundshëm pa ndryshime në kushtetutë. Tani qeveritarët kanë arritur në konkluzionin, se pa ndryshime kushtetuese reforma do të ishte gjysmake. Nga deklaratat që pësuan u bë e qartë, se këto ndryshime nuk do të miratohen nga Kuvendi i Madh Popullor. Kjo nga ana e tij do të thotë, se nuk mund të priten risi në marrëdhëniet midis pushteteve në sistemim gjyqësor , por vetëm ndryshime në sistemin e drejtimit të tij, ndryshime që nuk do të çojnë në një juridiksion më efektiv. Iniciatorët kanë ndërmend me anën e ndryshimeve në strukturën e brendshme të pushtetit gjyqësor të sigurohet mundësia për hyrjen e njerëzve të rinj në të, ndërsa nëpërmjet pakësimit të mandatit të Këshillit të Lartë të Drejtësisë të evitohet mundësia e tanishme në sistemin gjyqësor të formohet klasa burokratike e njerëzve, të cilët gjatë tërë karrierës së tyre janë udhëheqës administrativë. Me siguri të gjitha forcat politike do të jenë dakord me reformimin e Këshillit të Lartë të Drejtësisë, por kryesoret prej tyre – GERB, PSB dhe Lëvizja për të Drejtat dhe Liritë, do të jenë shumë të kujdesshëm të ruajnë pozicionet e tyre në sistemin e drejtësisë. Deputetet nga po thuaj të gjitha grupet parlamentare ndajnë sinqerisht, se nuk presin ndryshime radikale në mënyrën e funksionimit të pushtetit gjyqësor, sepse forcat më të mëdha politike kanë në të lobi të tyre dhe nuk kanë interes t’i prekin. Çfarë do të ndodhet në fund të fundit nga kjo nisme, për të cilën prej kohe insiston dhe KE, do të shohim në ecurinë e konsultimeve dhe pas tyre.

Përgatiti në shqip: Sofia Popova

Последвайте ни и в Google News Showcase, за да научите най-важното от деня!

Ndaje

Çfarë të presim nga konsultimet për ndryshimin e kushtetues

Më shumë nga rubrika

Ngjarjet me adresë ballkanike

Votuesit nuk duan zgjedhje të reja parlamentare

Shtimi i numrit të partive në parlamentin bullgar dhe sinjalet ndaj procesit zgjedhor