Pas stresit të krizës bankare të vitit të kaluar në Bullgari, tani duket se po vjen radha e kontrollimit të bankave, të rekomanduar nga Misioni i rregullt pranveror i FMN, që përfundoi ditën e premte. Rekomandimet koencidojnë me synimet e shpallura të Bankës Qendrore Bullgare për shtrëngimin e kontrollit.
2014 do të mbahet mend në Bullgari si viti i dështimit të institucionit financiar, të katërt për nga madhësia në vend, të Bankës Korporative Tregtare, të tensionit të krijuar, që ky dështim shkaktoi në tërë sistemin bankar dhe që lëkundi financat publike kombëtare. Pasi tronditjet ishin vënë nën kontroll dhe tensioni ndër qytetarët u përballua me një çmim të madh për shtetin, gjatë vitit të ri 2015 priten sprova të reja për bankat bullgare. Kësaj here kërcënimi për to vjen nga Banka Popullore Bullgare (BNB), nën presionin e FMN.
Gjatë vitit 2014 BNB ishte e papërgatitur për krizën e shpërthyer dhe reagoi në mënyrë joadekuate në situatën e vështirë. Për 2015 FMN rekomandoi ajo të veprojë me më shumë vendosmëri, duke kontrolluar plotësisht gjendjen, llogaritë dhe biznesin të bankave tregtare. Kjo bëhet e qartë nga vendimi i BNB të përdorë shërbimet e një kompanie të njohur ndërkombëtare të auditimit, e cila të kontrollojë cilësinë e aktiveve në tërë sistemin bankar, siç shpjegoi Drejtori i Bankës Qendrore Ivan Iskrov, ndaj të cilit ka kritika të shumta.
Supozimi në marrjen e vendimit që bankat në Bullgari të kontrollohen nga kompania ndërkombëtare konsulente është, se ekspertët e huaj do të jenë më të saktë, më të paanshëm dhe më objektivë në analizën dhe vlerësimet e tyre. Por a mund t’u kihet besim të plotë firmave të tilla multinacionale, që veprojnë në kushtet bullgare, nuk është shumë e sigurt duke pasur parasysh, se pikërisht njëra prej firmave më prestigjioze konsulente dhe të auditimit në botë ishte verifikuar raportet llogaridhënëse dhe balancat për disa vitet e fundit të Bankës Korporative Tregtare që tashmë është mbyllur, dhe e cila pohonte deri në momentin e fundit, se gjithçka në të është në rregull. Kjo kompani e kishte bërë punën e vet me neglizhencë të madhe dhe pasi u bë e njohur gjendja e vërtetë e bankës tregtare, autoritetet kompetente në vend i kërcënuan konsulentët me heqjen e licencës, por në fund të fundit gjithçka përfundoi me një gjobë të kripur. Siç duket, kontrolli i rreptë mbi bankat tregtare do të jetë shoqëruar me kërkesa më të larta ndaj institucioneve që i kontrollojnë, pavarësisht a janë kombëtare ose ndërkombëtare.
Përgatiti në shqip: Sofia Popova
Bullgaria dhe Kina vendosën marrëdhënie diplomatike me njëra-tjetrën 75 vjet më parë - në vitin 1949. Një vit më vonë, Republika Popullore e Kinës dhe Republika Popullore e Kinës shkëmbyen ambasadorë dhe marrëdhëniet dypalëshe u zhvilluan në një..
Nga 1 tetori, Banka Kombëtare Bullgare (BNB) shtrëngon kriteret për bankat për dhënien e kredive për banesa. Vendimi i Bankës Qendrore vjen pas një analize që tregon rritje të ndjeshme të kredive në segment dhe përshpejtimin e saj në tremujorin e dytë..
Deficiti buxhetor i kalon 3 miliardë leva dhe situata vazhdon të përkeqësohet, tha për BNR ekonomisti Mihaill Krëstev. “Megjithatë, kjo nuk është prerogativë e politikanëve në krizën politike në të cilën ndodhemi – ata nuk flasin për financa,..
Kufiri i varfërisë do të jetë 638 leva në vitin 2025, vendosi qeveria. Vlera e tij do të rritet me 112 leva, ose me 21,3% krahasuar me vitin 2024...