Kompozitori Kristijan Bojaxhiev është mbajtës i një sërë çmimesh për krijimtarinë e tij. Nuk janë pak edhe dallimet si redaktor muzikor dhe si spiker drejtues në programin “Hristo Botev” të Radios Kombëtare Bullgare. Para një muaji ai mbushi 60 vjet. Më 26 shkurt do të marrë një dhuratë të madhe muzikore nga kolegët dhe miqtë e tij – në studion e koncerteve të radios do të tingëllojnë disa prej këngëve të tij më të njohura në interpretim të këngëtarëve në zë si Orlin Goranov, Margarita Hranova, Mihaill Jonçev, Grupet “Trik”, “Te”, “Spektrum” etj.
Për veten dhe për punën në Radion Kombëtare Bullgare vet Kristijan Bojaxhievi tregon: “Në Radion Kombëtare Bullgare mora shansin e pabesueshëm – të flas për muzikën, të cilën e do aq shumë. Synimi im gjithnjë ka qenë të prezantoj më të mirën, të tërheq vëmendjen e auditorit tek incizimet interesante dhe unike. Për mua muzika gjithnjë ka qenë një synim dhe një udhërrëfyes. Fonoteka e radios përmban incizime të shumta të huaja dhe bullgare, incizime të vjetra dhe të reja. Ajo në të vërtetë është një thesar i pasur muzikor. Atë, që nuk arrita ta gjej atje merresha nga fonoteka ime personale, të cilën e grumbullova gjatë viteve shkollore. Tani gjithçka është në internet, por dikur kishte pllaka të gramafonit, të cilat ngandonjëherë vështirë zbuloheshin. Iu kam porositur njerëzve, që udhëtuan jashtë të më mbajnë ndonjë pllakë gramafoni. Kishte një magjepsje në pritjen e muzikës së dashur, në dëgjimin e parë.” Përsa iu përket sukseseve Kristijan Bojaxhievi mendon: “Jam skeptik ndaj sukseseve, sidomos ndaj atyre personale. Gjithnjë mendoj, se ato janë disi si prova. Doemos e ndjej veten të kënaqur kur marr çmime. Mbaj mend Konkursin Ndërkombëtar “Orfeu i Artë” në vitin 1992. Atëherë u prezantova me këngën “Pran meje” të cilën e interpretonte Vili Kavallxhievi. Një pjesë prej kësaj vepre është vetëm për zë dhe piano. Kënga ishte në shoqërim të orkestrës së festivalit, në të cilin hynte tërë Big Benda e Radios Kombëtare Bullgare dhe një pjesë prej Orkestrës Simfonike të Radios. Dirigjent ishte Vili Kazasjani. Dhe megjithëqë di mundësitë time si pianist dhe kishte një çmenduri të dalë dhe t’i bie pianos në këtë skenë të madhe, mori çmimin e madhe “Orfeu i Artë”. Katër vjet më vonë prapë e mora këtë çmim. Kësaj here për këngën “Nuk e bëri prapë” në interpretim të duetit “KriMi”, në të cilin kënduam bashkë me Mihaill Bellçevin. Për mua dallimet e këtij konkursi kanë rëndësi të madhe simbolike. Mbaj mend vitin 1969, kur i ati im, kompozitori Atanas Bojaxhiev, u bë mbajtësi i parë i statujës së parë “Orfeu i Artë”.
Përgatiti në shqip: Svetllana Dimitrova
Ju ofrojmë një dozë magjie me këngën më të re të interpretueses Kristina Dimitrova-Manasieva, ose e njohur më mirë si KristinSax. Përveçse këndon ajo i bie saksofonit dhe flautit. Veçse interpretuese e këngës së saj të re “Magjia”, KristinSax është..
Në Ditën e Asistencës së Maternitetit, ju ofrojmë një këngë kushtuar një teme të vështirë - vdekshmërinë femërore gjatë lindjes. "Të mos jemi vetëm" bashkon disa nga muzikantët tanë më të mirë. Përveçse interpretoi këngën në mënyrën e tij të..
DEEP ZONE Project janë gati me projektin e tyre më të fundit BG Ethno House - "Biljana e bukur", në të cilin edhe një herë kombinojnë muzikën moderne të kërcimit elektronik me motive origjinale të bazuara në folklor, si gjithmonë me shumë dashuri për..
Orkestra e Muzikës Popullore e Radios Kombëtare Bullgare, e drejtuar nga maestro Dimitër Hristov , po përgatit një turne pranveror në mars. Të..
Viktoria Gllavçeva këndon që nga mosha 4-vjeçare dhe ka fituar një sërë çmimesh, por një popullaritet të veçantë fitoi pas pjesëmarrjes në formatin..
Vranësira
Mjegull
Vranësira të dendura