Sanksionet dhe kundërsanksionet për shkak të krizës në Ukrainë shqetësojnë Sofjen

botuar më 14-08-16 2.05.MD

Foto: BGNES

Këto ditë Ministri bullgar i Bujqësisë kërkoi një mbledhje të jashtëzakonshme të Këshillit Evropian të bujqësisë dhe peshkimit për përgatitjen e pozitës unike të BE në lidhje me ndalimin përkatës të Rusisë për import të frutave, perimeve, mishit, produkteve të mishit, peshkut dhe mallrave të tjera nga vendet-anëtare të BE. Pak më vonë Ministri i Punëve të Jashtme i qeverisë teknike shprehu para ambasadorit të Kievit në Sofje shqetësim në lidhje me synimin e Ukrainës të ndërmarrë kundërsanksione ndaj Rusisë. Arsyet për shqetësime në Sofje janë shumë serioze. Embargoja ruse prek drejtpërsëdrejti prodhuesit bullgarë të frutave, peshkut, domateve dhe perimeve të freskëta. Eksporti i tyre për në Rusi gjatë vitit 2013 arriti në 53,4 mln euro, që përbën rreth 9,3 % prej eksportit për këtë vend. Planet e Ukrainës për sanksione kundër Rusisë supozojnë edhe bllokim të transitit të gazit rus përmes territorit të saj, i cili siguron rreth 90% prej konsumit të Bullgarisë. Për shkak të tensionit midis Rusisë dhe Ukrainës sivjet Bullgaria fillojë të grumbullojë më përpara rezerva në depon e saj të gazit në Çiren, por me ndërprerjen e furnizimeve të gazit ato do të mjaftonin vetëm për 3-4 muaj. Lidhje reverse të gazit me shtetet fqinje Bullgaria nuk ka dhe përsëri ndodhet para rrezikut të mbetet, si në vitin 2009, në një kurth si rezultat i mosmarrëveshjeve midis Ukrainës dhe Rusisë. Shqetësimet e Sofjes ndahen edhe nga shume vende në BE, por kjo nuk na qetëson. Kërkesës së Sofjes për diskutimin e jashtëzakonshëm të kundërsanksioneve ruse iu bashkuan Çekia, Polonia, Austria, Finlanda, Belgjika dhe Estonia, por tani për tani KE nuk sheh mundësi për kompensimin e prodhuesve të prekur. KE si Sofja përpiqet ta bindë Ukrainën të mos ndërmarrë masa ekstreme kundër Rusisë, por përgjigjet nga ana e Kievit nuk janë të qarta dhe nuk japin optimizëm, se një zhvillim dramatik mund të evitohet. Është e qartë, se shkëmbimi i sanksioneve dhe kundërsanksioneve nuk është zgjidhje, sepse nuk dihet deri ku mund të çojë.

Përgatiti në shqip: Sofia Popova

Последвайте ни и в Google News Showcase, за да научите най-важното от деня!

Ndaje

Sanksionet dhe kundërsanksionet për shkak të krizës në Ukrainë shqetësojnë Sofjen

Më shumë nga rubrika

Kryetari i Parlamentit vizitoi Festën e Pashkëve në Bosilegrad

Ngjarjet me adresë ballkanike

Më 4 qershor, do të shpallin raportin mbi gatishmërinë e Bullgarisë për të vërë euron në qarkullim

Kryetari i Parlamentit vizitoi Festën e Pashkëve në Bosilegrad