Breshri i fortë që ra këtë javë në kryeqytetin e Sofjes dhe në disa qytete të tjera bullgare shtroi disa pyetje serioze, ndër të cilat – A është i përgatitur shteti bullgar në rast fatkeqësie të tillë? Më 8 korrik, ditën e martë në Sofje pa pritur ra një breshër kokërrmadh. Brenda 15 minutave në kryeqytetin bullgar ra akull prej qindra metrash në kub. Kokrrat e akullta me madhësi si një arrë, dhe në disa vende si një mollë e vogël binin me shpejtësi 80-100 kilometra në orë. U thyen dritaret e banesave, të dyqaneve, xhamet e automobilave etj. Degët e shkëputura të drurëve bllokuan kanalet e rrugëve dhe këto të fundit u bënë si lumë.
Breshri mori një viktimë. Një plak vdiq pasi druri ra mbi të në park. Fatkeqësia nuk mund të evitohej por së paku të na kishin paralajmëruar për të pakësuar pasojat e saj. Meteorologët e dinin për stuhitë dhe breshrin por nuk kanë paramenduar se do të jenë me intensitet aq të madh. As autoritetet vendase u kushtuan vëmendje kushteve meteorologjike. Reja e madhe erdhi prej Serbisë. Agjencia Bullgare e Luftimit të Breshrit e ka regjistruar renë 8 minuta para se të binte breshri në Sofje. Agjencia përdori këto informacione në rajonet bujqësore dhe nuk arriti të vepronte në qytete. Informacionet u transferuan te Forcat Ushtarako-Ajrore dhe tek Agjencia Shtetërore e Mbrojtjes Civile. Kësaj të fundit i duheshin së paku 15 minuta për ta lëshuar alarmin. Me fjalë të tjera asnjë institucion nuk është në gatishmëri të paralajmërojë njerëzit në rast fatkeqësish të tillë natyrore.
Pas përmbytjes në lagjen “Asparuhovo” të Varnës ku kishte 12 viktima shteti për herë të dytë brenda një muaji abdikoi nga detyrat që i takojnë atij, kishte shkruar një e përditshme bullgare. Po shtrohet pyetja – Si u shfrytëzuan ata 20 mln euro për rindërtimin e sistemit të MPB-së të paralajmërimit të hershëm pasi ky sistem deri tani asnjë herë nuk ka vepruar. Gjatë fatkeqësisë në Sofje u përmbytën po ashtu dhe ballinat e Ndihmës Urgjente dhe të Kryqit të Kuq Bullgar. Kryeministri Pllamen Oresharski urdhëroi kontroll mbi reagimin e organeve shtetërore në rast fatkeqësish dhe shpresojmë se pas këtij kontrolli do të ndërmerren masat e duhura.
Përgatiti në shqip: Anna Kapitanova
Në renditjen Impact Rankings 2024 të Times Higher Education (THE), botuar më 12 qershor 2024, Universiteti i Sofjes "Shën Kliment Ohridski" u rendit në vendin 401-600 në mesin e 1963 universiteteve në botë. Alma Mater merr pjesë në renditje për të..
Lodhja nga zgjedhjet, pjesëmarrja jashtëzakonisht e ulët e votuesve (pak mbi 30%), të rinjtë në qendrat e votimit dhe një shpresë e brishtë, thuajse e paperceptueshme për stabilitet dhe normalitet politik. Kështu mund t'i përshkruajmë zgjedhjet e kaluara..
Interesimi për zgjedhjet për Parlamentin bullgar dhe Parlamentin Evropian në Maqedoninë e Veriut është i njëjtë si në zgjedhjet e mëparshme - numri i votuesve pritet të jetë i njëjtë, rreth 130. Por bullgarët e Maqedonisë së Veriut u ngopën me votimin e..
Bullgarët janë minoriteti i tretë më i madh në Shqipëri - sipas të dhënave të fundit të regjistrimit të popullsisë në këtë vend ballkanik. Këto janë të..
Në Bullgari, sipas të dhënave jozyrtare janë 120 mijë persona me probleme në të dëgjuarin. Shumë prej tyre nuk duan të mësojnë gjuhën e shenjave, edhe..
Fshati turistik Ribarica në rajonin e Tetevenit po pret edicionin e dymbëdhjetë të “Trabant Fest”, njoftuan organizatorët nga “Klubi Kombëtar Trabant”...