“Rodopolloxhi” – albumi i ri i Dimitër Liolevit

botuar më 14-05-27 3.44.MD]

БНР Новини

Foto: arkiv personal

Muzikanti i xhazit Dimitër Liolev është po ashtu kompozitor, aranzhues dhe pjesëmarrës në projekte të ndryshme. Veprimtaria e tij është me theks mbi muzikën e vargmalit Rodope. Bile albumi i tij autorial quhet “Rodopolloxhi”. Në incizimin e këngëve kanë marrë pjesë Antoni Donçev – piano, Boris Taslev – kontrabas dhe Borisllav Petrov – perkusione.

“Rodopolloxhi” Download

Update Required To play the media you will need to either update your browser to a recent version or update your Flash plugin.

Dimitër Liolevi ka lindur në qytetin e Plovdivit ku ka ndjekur mësime në Shkollën Muzikore dhe më pas ka studiuar në Akademinë e Muzikës. Në vitin 2002 i ka vazhduar studimet në Konservatorin “PrinsClaus” në Groningen të Holandës. Gjatë qëndrimit aty muzikanti bullgar ka prezantuar grupin e vet “Rakia” në Festivalin prestigjioz të Xhazit “NorthSeaJazzFestival”. Në vitin 2005 Dimitër Liolevi ka merituar çmimin e dytë në kategorinëe solistëve në Konkursin e Xhazit në Lajden të Holandës. Po në këtë vit ai është kthyer në Bullgari dhe ka filluar të jepte koncerte me disa nga muzikantët më të njohur bullgarë, ndër të cilët – Teodosi Spasov, Angell Zaberski-bir, Mihaill Josifov, Hristo Jocov, Stojan Jankullov, Hillda Kazasjan, Lili Ivanova etj. Dimitër Liolevi ka dhënë mësime në Akademinë e Muzikës, Valleve dhe Artit Figurativ në Plovdiv dhe nga viti 2012 interpreton në Big Bendin e Radios Kombëtare Bullgare. Muzikën e vargmalit Rodope muzikanti e ka mësuar nga babai i tij i cili vite të tëra ka qenë dirigjent i Ansamblit Folklorik “Rodopa” në qytetin e Smoljanit.

“Space” Download

Update Required To play the media you will need to either update your browser to a recent version or update your Flash plugin.

Dimitër Liolevi merret me muzikë që nga mosha e fëmijërisë. Megjithëse e ka kryer arsimin si fagotist, në fund të gjimnazit ai ka filluar t’i binte saksofonit. Mirëpo, sot i është përkushtuar stilit të xhazit. “Më duket se isha në kasën e fundit të Shkollës Muzikore – kujton Dimitër Liolev. – Në shkollë pianisti i sotëm i xhazit Asen Dojkin kishte sjellë disa incizime të saksofonistit BranfordMarsalis. Edhe mëparë kisha dëgjuar xhaz por në atë moment i thashë vetes: “Kjo është muzika ime”. Gjatë studimeve në Holandë bashkëpunova me muzikantë nga Nju-Jorku. Aty pata mundësinë të interpretoja me muzikantë të kombësisë së ndryshme. Kur u ktheva në Bullgari i ftova disa prej tyre në Festivalin “JulyJazz”në Smoljan, i cili festival mbahej disa vite radhazi. Me mysafirët shkonim edhe në vende të tjera të Bullgarisë. Albumi “Rodopolloxhi” është i dyti në biografinë time. Para pak kohësh një firmë italiane e solli projektin tim “TheOtherSide” (“Ana tjetër”). Këtë të fundit e incizuam së bashku me bateristin Mitko Semov, trombistin Martin Tashev dhe me basistin Maksimiliano Rolf. Titullin e albumit e zgjodha për shkak të preferencës sime ndaj folklorit të maleve Rodope dhe ndaj xhazit. Muzika ime është rezultat i këtij kombinimi të të dyja stileve.”

“Lopatë” Download

Update Required To play the media you will need to either update your browser to a recent version or update your Flash plugin.

Në albumin “Rodopolloxhi” Dimitër Liolev ka cituar disa këngë popullore jo shumë të përhapura mes publikut.

Pas premierës së albumit në Sofje gjatë muajit maj, albumi do të prezantohet në Festivalin “AtoJazz” në Varna gjatë korrikut dhe po ashtu në disa skena të tjera në Bullgari.

Përgatiti në shqip: Nataniela Vasileva

Последвайте ни и в Google News Showcase, за да научите най-важното от деня!

Ndaje

“Rodopolloxhi” – albumi i ri i Dimitër Liolevit

Më shumë nga rubrika

"Dera e kyçur" – vepra më e re e këngëtarit Todor Gaxhallov

“Më zgjo në maj” dhe Mary Boys Band

"Dua"

“Më zgjo në maj” dhe Mary Boys Band

"Dera e kyçur" – vepra më e re e këngëtarit Todor Gaxhallov