Pasqyra e shtypit

botuar më 14-01-08 8.51.PD

Tema e faqeve të para të shumicës së gazetave sot është skandali i shkaktuar në bordin e fluturimit midis Sofjes dhe Varnës nga lideri i partisë nacionaliste “Ataka” Volen Siderov. Gazeta “Sega” shënon në titull se për shkak të incidentit kryeprokurori do të hetojë Siderovin për huligani. Gazeta “Trud” komenton se e vetmja mundësi, që Siderovi të mbijetojë si politikan është të fitojë aureolë të luftëtarit martir dhe meqenëse nuk ka kush të sulmojë atë, të fshehur prapa imunitetit të vet të deputetit vet fillon të sulmojë – shtetasen franceze, policin ose çdo shtetas që është në perimetrin e “të paprekshmit”. Kupa “Siderov” definitivisht u derdh, konkludon gazeta.

Gazetës „Standard” i ka bërë përshtypje të fortë pohimi i Lëvizjes për të Drejta dhe Liri Lytvi Mestan se nuk ka nevojë nga marrëveshje e koalicionit midis PSB dhe LDL. Një ditë më parë po këtë pozitë shprehu edhe lideri i Partisë Socialiste Sergej Stanishev në lidhje me thirrje të disa deputetëve të majtë për marrëveshje koalicioni midis dy partive. Sipas Lytvi Mestan, qeveria e tanishme është eksperte – politike dhe marrëveshja për pushtetin është programi i saj, ndërsa teza për marrëveshjen e koalicionit është një argument i trilluar për të kritikuar qeverinë.

Në një titull në krye gazeta “Sega” njofton se “Politikanë dhe magjistratë harruan prona, aksione dhe të holla të bashkëshortëve të tyre”. Shkruhet për një rast në të cilin një deputet i PSB-së ka harruar të deklarojë rreth 20 prona. Gazeta “Standard” pohon se pushtetarët që kanë harruar të deklarojnë prona dhe para Dhomës së Auditit janë 152.

Në rubrikën e vet “Prognoza për vitin 2014” gazeta “Dnevnik” boton vlerësime dhe pritje për vitin e ri të sociologut Koljo Kolev nga agjencia “Mediana”. Sipas tij nëse qeveritarët do të kenë humbje katastrofike në zgjedhjet për deputetë evropianë, deri në fund të vitit do të letë zgjedhje parlamentare para afatit, por nëse arrijnë sukses bindës të tilla nuk do të ketë. Sociologu mendon se pafuqia politike dhe mungesa e vizionit politik në gërshetim me krizën krijon mjedis të mrekullueshëm për formacione radikale nacionaliste, fashiste dhe ksenofobe. Për këtë arsye ai nuk përjashton mundësinë që në një parlament të ardhshëm të Bullgarisë të kenë jo një, por dy parti nacionaliste (“Ataka” dhe “Fronti kombëtar për shpëtim të Bullgarisë”) dhe nëpër rrugët të rritet ksenofobia.

Gazeta “Monitor” në plan të parë nxjerr temën sidomos aktuale kohët e fundit për kartel të mundshëm midis dyqaneve të mëdha në Bullgari. Në këtë kontekst ai informon se qeveritarët kanë në plan të zgjidhin këtë çështje përmes ndryshimeve në Ligjin për konkurrencën. Një prej masave që po diskutohen është që në dyqanet e mëdha të ketë stende vetëm për mallra bullgare.

Nën titullin “Epidemia e xhelozisë” gazeta “Standard” përmend tërë serinë e dramave të përgjakura nga dita e mëparshme. Në intervistë për botimin me këtë rast psikologja Ani Vladimirova konstaton se “Xhelozia në Ballkan arrin në absurditet”. Por nga faqet e gazetës “Monitor” psikologu kriminal Rosen Jordanov deklaron se nuk pritet një vale të vrasjeje për motive xhelozisë dhe sipas tij autorët përjetojnë një emocion shkatërrues që çon fanatizëm.

Përgatiti në shqip: Zoja Kostadinova

По публикацията работи: Stoimen Pavlov

Последвайте ни и в Google News Showcase, за да научите най-важното от деня!

Ndaje

Pasqyra e shtypit

Më shumë nga rubrika

Parashikimi i motit për 27 shkurtin

Bullgaria do të përpiqet të shpëtojë një pjesë të pagesës së dytë sipas Planit të Rimëkëmbjes

Kontroll i rreptë i policisë në zonën 30 kilometra përgjatë kufirit me Greqinë dhe Rumaninë

Kryeministri edhe një herë shprehu bindjen se nuk do të ketë personel ushtarak bullgar në Ukrainë

Bullgaria kërkoi një raport të jashtëzakonshëm të konvergjencës për euron

Parashikimi i motit për 26 janarin 2025