Firmat bullgare dhe punësimi i krahut të lirë të punës

botuar më 13-11-07 11.17.PD

Foto: BGNES

Gjatë katër vjetëve të fundit zënia e krahut të punës në Bullgari është objekt i një sondazhi nga ana e Shoqërisë Ndërkombëtare të Konsultimeve “Manpower”. Në këtë sondazh, punëdhënësve të anketuar, që janë mbi 750 veta nga tërë Bullgaria, u jepet pyetja:“Si prisni të ndryshohet zënia e përgjithshme e krahut të punës në firmën tuaj në krahasim me tremujorin aktual?”

Në një intervistë dhënë Radio Bullgarisë shefja e Shoqërisë “Manpower” për Bullgari – Nadja Vasileva deklaroi, se sondazhi i tremujorit të fundit të vitit 2013 tregon rezultat pozitiv, d.m.th. punëdhënësit që kanë qëndrim pozitiv ndaj punësimit të punëtorëve të rinj tejkalon 4 për qind numrin e atyre që janë prirë të reduktojnë krahun e punës. Kjo, sipas zonjës Vasileva, është një rezultat relativisht i mirë në krahasim me disa vende të tjera anëtare të BE-së siç janë Italia, Greqia, Irlanda dhe Spanja, ku punëdhënësit nuk kanë qëndrim aq pozitiv.

Në cilët sektorë vihen re mundësi më të favorshme për punësim të personelit të ri?

“Mundësitë më të favorshme janë në sektorët e prodhimit, financave dhe biznes-shërbimeve, si dhe në sektorin e ndërtimit, jo vetëm në ndërtimin e godinave të reja por dhe në sferën e meremetimit të ndërtesave ekzistuese, të transportit, magazinimit dhe komunikacioneve – thotë Nadja Vasileva. – Në këto sfera punëdhënësit kanë qëndrime më pozitive, deri sa në sferën e hoteleve, restoranteve, minierave dhe në disa sfera të tjera, tendencat pozitive janë disi të ulura.”

Tendencat më pozitive për punësim të punëtorëve të rinj gjatë tremujorit të fundit vihen re në Sofje dhe Plovdiv. Në kryeqytet pjesa e punëdhënësve që kanë qëndrim pozitiv ndaj punësimit të personelit suplementar tejkalon me 12% ata që janë prirë të reduktojnë personelin. Në Plovdiv janë 8%.

Ku pozicionohet Bullgaria sa i përket punësimit të përkohshëm dhe punës nga distanca?

“Për sa i përket punës nga distanca, pagimit ditor, dhe punësimit të përkohshëm, sipas meje, kemi mbetur prapa – tregon Nadja Vasileva. – Këto janë tre prej drejtimeve kryesore në vendet e tjera që ndihmojnë shumë për uljen e papunësisë dhe për rritjen e zënies së krahut të punës. Përveç amendamenteve në legjislacionin, duhet të mendohet seriozisht dhe për zhvillimin e drejtimeve të tjera që mund ta nxjerrin Bullgarinë nga kriza aktuale në tregun e punës. Këta janë arsimi dhe emigrantët, që duhet të orientohen më shpejt dhe të punësohen.”

Sipas zonjës Vasileva, në mjedisin e sotëm ekonomik vihen re një pasiguri e caktuar, mungesa në rritje e talenteve dhe nevojat që po ndryshohen vazhdimisht të punëdhënësve për personel me profesione specifike. Këta faktorë i detyrojnë punëdhënësit të ndërtojnë një strategji serioze për krahun e tyre të punës që do të ndihmojë shumë për prosperitetin e firmës në të ardhmen. Tani për tani një numër i madh punëdhënësish ende punojnë pa strategji të tilla, dhe në se i kanë, ato janë afatshkurtra.”

Çfarë është roli i shtetit dhe i sistemit arsimor në inkurajimin e kualifikimit dhe rikualifikimit të personelit?

“Roli i shtetit është jashtëzakonisht i rëndësishëm por ai realizohet me ritme shumë të ngadalta. Në kushtet e sotme ky rol duhet të jetë shumë dinamik dhe të ndryshohet në varësi nga mjedisi, dhe të orientohet te zgjidhja e problemeve të shumta të tregut të punës – thotë Nadja Vasileva. – Problemi i dorës së parë është si mund të presim brezin e ri ta zërë vendin e tij dhe si t’i zgjidhim kërkesat e tyre për vendet e reja të punës që po hapen. Kurse nga ana tjetër duhet t’i kushtojmë vëmendje edhe popullsisë më të moshuar, e cila në shumicën e rasteve ka shumë veti dhe aftësi të vlefshme, përgjegjësi dhe disiplinë në vendin e punës, një gjë që takohet rrallë te gjenerata e re.”

Sipas Nadja Vasilevës sistemi arsimor duhet të ketë një mobilitet më të madh dhe të analizojë nëse për një kualifikim të caktuar janë të nevojshme katër vjet, ose kjo mund të bëhet më shpejtë. Shefja e Shoqërisë “Manpower” për Bullgari është e mendimit, se biznesi duhet të jetë i kujdesshëm për sa i përket punësimit të krahut të lirë të punës deri në realizimin e të gjitha këtyre reformave.

Përgatiti në shqip: Gyulka Ilieva

По публикацията работи: Kostadin Atanasov

Последвайте ни и в Google News Showcase, за да научите най-важното от деня!

Ndaje

Firmat bullgare dhe punësimi i krahut të lirë të punës

Më shumë nga rubrika

Instituti për Ekonominë e Tregut bën thirrje për një deficit buxhetor nën 3%

Modeli i subvencionimit të BE-së shtrembëron prodhimin bujqësor në vend

Inflacioni çon në qarkullim dhe kërkesë më të lartë të kartëmonedhave të reja 100 dhe 50 leva